Мотоциклист тешко повреден во сообраќајна несреќа во Скопје

Дваесет и осумгодишен мотоциклист се здобил со тешки телесни повреди во сообраќајна несреќа што се случила на една од главните скопски сообраќајници. Од Министерството за внатрешни работи информираат дека несреќата била пријавена на 26 јуни околу 16:40 часот, кога се судриле патнички автомобил „Мерцедес“, управуван од 66-годишен возач, и мотоцикл „Априлија“ управуван од 28-годишен скопјанец.

По судирот, повредениот мотоциклист итно бил пренесен во Комплексот клиники „Мајка Тереза“, каде му биле констатирани тешки телесни повреди. Полициски екипи извршиле увид на местото на несреќата, а се преземаат мерки за утврдување на причините и околностите под кои дошло до судирот. Истрагата за случајот е во тек.