Во изминатите 24 часа полициските службеници привеле 20 возачи поради безобѕирно управување со моторни возила, информираат од Министерството за внатрешни работи.
Од вкупниот број, 16 лица биле затекнати како управуваат возило без возачка дозвола, меѓу кои и еден малолетник, додека четворица возачи биле под дејство на алкохол.
Во Скопје биле приведени пет лица кои возеле без возачка дозвола, при што едно од нив било и под дејство на алкохол. Во Кочани биле лишени од слобода три лица, меѓу кои и еден малолетник, а по две лица во Гостивар.
По едно лице без возачка дозвола биле затекнати во Кривогаштани, Градско, Кичево, Тетово, Штип и Прилеп.
Во однос на возачите под дејство на алкохол, по едно лице било приведено во Прилеп, Виница, Куманово и Македонски Брод.
Од МВР најавуваат дека по целосното документирање на случаите против сите лица ќе бидат поднесени соодветни кривични пријави.
