Парагвај забележа минимална, но исклучително важна победа од 1-0 над Турција и ја елиминираше турската репрезентација од Светското првенство.
Турците, кои во првото коло загубија од Австралија со 2-0, не успеаја да се рехабилитираат ниту во вториот настап и останаа без шанси за пласман во следната фаза од турнирот.
Парагвај до водство стигна уште во првата минута од натпреварот. По само 64 секунди игра, Матијаз Галарза Фонда со прецизен удар од далечина ја затресе мрежата за 1-0, резултат што се покажа како конечен.
Иако Турција доминираше во поголем дел од средбата и упати дури 32 удари кон противничкиот гол, не успеа да ја искористи ниту една од создадените шанси. Турската селекција остана без постигнат погодок во првите два натпревари на Мундијалот и по повеќе од 180 минути игра не успеа да ја затресе противничката мрежа.
Натпреварот го одбележа и необичен момент поврзан со Мигел Алмирон, кој доби црвен картон во ситуација што веќе предизвика бројни реакции во фудбалската јавност.
Со освоените три бода, Парагвај останува во игра за пласман во осминафиналето, а во последното коло ќе води директна битка со Австралија за второто место во групата.
