Министерството за образование и наука најавува презентација на нов проект со кој треба да се воспостави системски и одржлив механизам за рано препознавање и соодветно постапување во случаи на семејно насилство врз деца.
Проектот ќе биде координиран од Министерството за образование и наука, а во неговата реализација ќе учествуваат Министерството за труд и социјална политика, Министерството за внатрешни работи, центрите за социјална работа, здравствените и стручните служби, како и образовните институции. Вклучени ќе бидат и Комората на психолози и други релевантни чинители.
На прес-конференцијата ќе се обратат министерката за образование Весна Јаневска, министерот за социјална политика, демографија и млади Фатмир Лимани, министерот за внатрешни работи Панче Тошковски, како и Емилија Бошковска од Комората на психолози на Македонија.
