Кристијано Роналдо испиша нова страница во историјата на Светските првенства, откако постави рекорд како најстар фудбалер во поле што започнал натпревар во стартниот состав на мундијалите.
Португалската ѕвезда настапи од првата минута на мечот против ДР Конго и на возраст од 41 година и 132 дена го надмина досегашниот рекорд во оваа категорија.
Апсолутен рекордер по старост на Светските првенства и понатаму останува легендарниот египетски голман Есам Ел Хадари, кој во 2018 година настапи на возраст од 45 години и 161 ден.
Рекордот за најстар играч во поле што настапил и постигнал погодок на Мундијал сè уште го држи Камерунецот Роже Мила. Тој во 1994 година ја затресе мрежата на Русија кога имаше 42 години и 39 дена.
Сепак, Мила тогаш влезе од клупата за резерви, додека достигнувањето на Роналдо се однесува на играчи кои биле дел од почетниот состав на натпреварот.
