Фудбалските репрезентации на Белгија и Египет ги поделија бодовите во првото коло од Групата „Г“, играјќи нерешено 1:1 на стадионот во Сиетл.
Иако Белгија важеше за фаворит пред натпреварот, Египет прв дојде до водство и долго време имаше контрола врз резултатот.
Во 19-тата минута, Емам Ашур постигна погодок по одлична акција во која учествуваше Мохамед Салах, носејќи му предност на африканскиот тим.
Белгија се обидуваше да се врати во игра, но во првото полувреме не успеа да ги искористи шансите, па Египет замина на одмор со водство од 1:0.
Во вториот дел, Белгијците притиснаа посилно. Кевин де Брујн во 53-тата минута ја погоди стативата од слободен удар, а само неколку моменти подоцна Салах имаше уште една добра прилика, но голманот на Белгија одбрани.
Израмнувањето стигна во 66-тата минута, кога по центаршут на Тросард, дефанзивецот Хани несреќно ја погоди сопствената мрежа.
До крајот на натпреварот и двете селекции имаа обиди за победа, но резултатот остана непроменет.
Во следното коло Египет ќе игра против Нов Зеланд, додека Белгија ќе се соочи со Иран.
