Дваесет и шестгодишна девојка од струшкото село Ливада го загуби животот во тешка сообраќајна несреќа што денеска околу 11:30 часот се случила на патниот правец Поградец – Ќафасан во Албанија.
Според првичните информации, во несреќата учествувале автомобил управуван од жителка на Корча и возило со струшки регистарски таблички, кое го управувала македонска државјанка од Ливада.
Во судирот животот го загубила 26-годишната Е.Л., која била сопатничка во возилото со македонски регистарски ознаки.
Повредени се двајцата возачи, како и уште двајца патници кои се наоѓале во двете возила. Сите повредени се пренесени во болница каде што им е укажана лекарска помош.
Според албанските медиуми, нивната здравствена состојба е стабилна и се надвор од животна опасност.
На местото на несреќата бил извршен увид, а надлежните истражни органи работат на утврдување на причините и околностите што довеле до трагичниот судир.
