Француската фудбалска ѕвезда Килијан Мбапе откри дека има голема желба на претстојното Светско првенство да се соочи со Кристијано Роналдо и Нејмар, двајца од играчите кои оставија силен белег во светскиот фудбал.
Во изјава за медиумите, Мбапе посочи дека би сакал Франција да игра против Португалија и Бразил на Мундијалот, нагласувајќи дека ова најверојатно ќе биде последното Светско првенство за Роналдо и Нејмар.
„Сонувам да играм против Кристијано и Нејмар на Светското првенство. Тоа ќе биде нивното последно Светско првенство“, изјави францускиот напаѓач.
Светското првенство ќе се одржи од 11 јуни до 19 јули во САД, Канада и Мексико. Франција во групната фаза ќе се соочи со селекциите на Сенегал, Ирак и Норвешка.
Мбапе зад себе има одлична сезона во дресот на Реал Мадрид. Во текот на сезоната 2025/26 одигра 44 натпревари, постигна 42 гола и забележа седум асистенции.
За француската репрезентација досега има настапено на 97 натпревари и постигнато 56 голови, потврдувајќи го статусот на еден од најважните играчи на „триколорите“.
