Американската војска извршила нови напади врз цели во Иран, насочени кон локации за кои Вашингтон тврди дека претставуваат закана за американските сили и за комерцијалниот поморски сообраќај во Хормушкиот теснец. Според американски претставник, во акцијата биле соборени и повеќе ирански дронови кои наводно претставувале опасност за бродовите и воените бази во регионот.
Набргу потоа следувал одговор од Техеран, при што иранските вооружени сили соопштиле дека нападнале американска воздушна база како одмазда за американскиот удар во близина на аеродромот Бандар Абас. Странските агенции јавуваат дека мета на иранскиот напад била американска база во Кувајт.
Новата ескалација дополнително ги зголемува тензиите на Блискиот Исток и стравувањата од поширок регионален конфликт.
