Претседателката на државата, Гордана Сиљановска-Давкова, упати честитка по повод големиот муслимански празник Курбан Бајрам до поглаварот на Исламската верска заедница, Шаќир еф. Фетаи, како и до сите верници од исламска вероисповед.
Во честитката, Сиљановска-Давкова им посака празникот да го поминат во мир, радост и семејна благосостојба, нагласувајќи дека големите верски празници имаат силна духовна и општествена вредност, особено во периоди исполнети со неизвесност и недоверба.
Таа истакна дека Курбан Бајрам преку симболиката на дарувањето и пожртвуваноста ги афирмира вредностите на човечноста, емпатијата, солидарноста и одговорноста кон другите.
Претседателката посочи дека токму преку љубовта, почитта и грижата за ближниот, дури и во услови на различности и предизвици, се создава интегрирано и сплотено општество, во кое различностите се предност и мост кон заедништво.
На крајот од честитката, Сиљановска-Давкова упати искрени желби за среќен и благословен Курбан Бајрам.
