Андреј Георгиев потпиша тригодишен договор со Еурофарм Пелистер 2

Кадетскиот репрезентативец на Македонија, Андреј Георгиев, и официјално стана нов ракометар на Еурофарм Пелистер 2. Младиот играч потпиша тригодишен договор со битолскиот клуб, со цел да го продолжи својот развој и постепено да се наметне за настапи во сениорската екипа.

Георгиев настапува на позицијата десно крило и важи за изразит стрелец, кој на речиси секој натпревар покажува високо ниво на ефикасност и постојана голгетерска форма.

Станува збор за роден битолчанец, а во клубот постојат очекувања дека токму тој во иднина ќе прерасне во еден од клучните играчи и ќе остави силен белег во дресот на Еурофарм Пелистер.