Капитенот на македонската ракометна репрезентација, Филип Кузмановски, според најавите од „Arab Times Online“, ќе има кратка интернационална авантура во Кувајт.
Тој треба да настапи за екипата на Кувајт Сити на Азиската Лига на шампиони за клубови, која годинава ќе се одржи во периодот од 6 до 15 јуни.
На турнирот се очекува учество на повеќе познати ракометари кои настапуваат во различни лиги, меѓу кои се и играчи поврзани со тимови како Хориха, како и Мартин Серафимов, кој е најавен во тимот предводен од Данило Брестовац. Исто така ќе се појави и Ал Араби, како и Ал Духаил, клуб во кој тренер на голманите е Петар Мисовски.
Кузмановски, сепак, сè уште нема го продолжено договорот со Пелистер, каде што е капитен и еден од клучните играчи во тимот. Од следната сезона се очекува на клупата на битолскиот клуб да седне искусниот стратег Лино Червар, што дополнително ја зголемува неизвесноста околу иднината на репрезентативецот.
