Скандалозна е последната одлука на OЈО ГОКК, под раководство на соседот на Али Ахмети од Зајас, Ислам Абази, да ја стопира постапката за предметот за сторен криминал тежок 167 милиони евра, при набавка на мазут за ТЕЦ Неготино, што постоеја и сомнежи за перење пари и нанесување штета на животната средина, оценува ВМРО-ДПМНЕ.
Владејачката партија смета дека и покрај сериозните индиции за тежок криминал, Абази не видел докази и од кривична одговорност ги спасил Васко Ковачевски од СДСМ и Асмир Јахоски, син на пратеник од ДУИ и нивните партнери.
-Ова не е случајна одлука, туку доказ за големото влијание коешто Венко
Филипче, Али Ахмети и Зоран Заев сè уште го имаат кај поединци во обвинителството и судството, нагласува ВМРО-ДПМНЕ и го повика
обвинителот да си поднесе оставка, за, како што нагласуваат, да се ослободи системот од таквите како него, кои наместо правда носат
неправда и го разградуваат правосудниот систем.
