Во СВР Скопје, изутрината во 07.22 часот било пријавено дека на ул.„Апостол Гусларот” во двор од верски објект бил забележан канистар за гориво и траги од горење. Веднаш по добиената пријава од страна на полициски службеници излезено е на местото на настанот и се преземаат мерки за расчистување на случајот, информираат од Министерството за внатрешни работи, откако Еврејската заедница во Македонија вечерва извести за обид за опожарување на објект на Заедницата и на синагогата во Скопје.
Еврејската заедница во Македонија го осуди овој чин и упати апел до надлежните органи за целосно расветлување на случајот и доследна примена на законите, како и за гласна и обединета осуда од сите верски лидери, институции и граѓани.
Амбасадорката на Израел во Македонија, Вивијан Ајзен, побара расчистување на случајот и објави видео-снимка од обидот за опожарување на синагогата во Скопје, направена од безбедносни камери.
На снимката се гледаат две лица како прескокнуваат ограда и се доближуваат до влезот на објектот. Потоа, тие прскаат со запалива течност, по што фрлаат бакља и предизвикуваат пожар.
— Vivian Aisen 🇮🇱 (@VivianAisen) April 12, 2026
