Доналд Трамп Помладиот, син на американскиот претседател, за време на панел-дискусија во Бански Двор во Бања Лука упати критики до Европската Унија, нагласувајќи дека е „катастрофа“, велејќи дека нејзините либерални политики ги обесхрабруваат инвестициите
-Присуствував на бројни бизнис конференции низ целиот свет, со водечки луѓе од финансискиот сектор. Еден коментар што постојано го слушав беше: Европската Унија е катастрофа. Американските банкари, моќните луѓе на Блискиот Исток, особено оние што работат во деловниот свет, на секој панел велат дека ЕУ е катастрофа. Но, тоа е катастрофа што треба да се поправи – рече тој.
Најстариот син на американскиот претседател ја посети Република Српска во исто време кога потпретседателот на САД, Џеј Ди Венс пристигна во Унгарија за да ја поддржи кандидатурата за реизбор на националистичкиот премиер Виктор Орбан пред парламентарните избори закажани на 12 април.
