Ракометната репрезентативка Ана Марија Коларовска игра во одлична форма во својот тим Брод од Хрватска, во чии редови настапува и Драгана Петковска.
Коларовска во поразот на Брод на гостувањето кај фаворитот Зрињски беше најефикасна во своите редови со 5 погодоци, на кои додаде една асистенција и имаше 3 украдени топки.
Ова е одлична вест за селекторот на репрезентацијата Кристијан Грчевски, ако се знае дека Македонија ја очекуваат два исклучително тешки натпревари против Германија и Словенија во квалификациите за Европското првенство.