Со државни и европски пари ќе се зајакнува сајбер безбедноста во државата, а веќе се формира нов Центар за одговор на сајбер инциденти, информира министерот за дигитална трансформација Стефан Андоновски.
Според него во Центарот, Владата вложи 1,5 милиони евра и со него институциите ќе имаат подобар капацитет за справување со сајбер заканите и инцидентите, кои во последните години стануваат сè почести и пософистицирани додека низ светот беснеат конфликти и војни.
Македонија соработува и со САД за справување со предизвиците во сајбер безбедноста, дигиталната инфраструктура и размената на информации за потенцијални ризици во сајбер просторот, а следната недела во Вашингтон ќе учествува на втората сесија од Стратешкиот дијалог како единствена европска држава.
