Вработен во МВР возел во спротивна насока на крстосницата кај „Јордан Мијалков“ и „Димче Мирчев“ во Скопје, па дури и претекнувал претекнувал колона возила. Откако бил запрен од полициски службеник, тој се претставил дека е вработен во МВР, рекол дека нема лична карта и почнал агресивно да се однесува и да се заканува.
Подоцна е утврдено, дека станува збор за 45-годишен вработен во Секторот за општи и заеднички работи на МВР. Тој е приведен, а случајот е предаден на Одделот за внатрешна контрола.
Ова не е изолиран случај на вакво однесување на вработени во МВР. Оти не се ретки случаите кога се уловени полицајци кои возеле без да имаа дозволи, за земање мито, за физички па дури и сексуални напади, за изнуда на пари… Впрочем, секој има видено барем еднаш непрописно паркиран приватно возило, а внатре оставена полициска капа или елек – за да не биде казнет големиот заштитник на законот.
Затоа, ваквите случаи мора брзо и темелно да се расчистуваат, за да се отстранат поединците што ја грубат сликата за МВР во која има многу чесни службеници кои си ја вршат работата како што треба.
