Тензиите меѓу Иран и САД дополнително се заоструваат, откако командантот на иранската морнарица, Шахрам Ирани, упати директна закана кон американскиот носач на авиони USS Abraham Lincoln.
Ирани изјави дека секогаш кога ударната група на носачот ќе се најде во дострел на иранските ракети, ќе следи одмазда. Како причина ја наведе, според нивните тврдења, потопената фрегата „Дена“, за која Иран обвинува дека била уништена од американски сили.
– Штом „Абрахам Линколн“ влезе во наш дострел, ќе одговориме со противбродски ракети – порача Ирани.
Во меѓувреме, иранската морнарица тврди дека веќе извела ракетни активности во близина на американскиот носач, што дополнително ја зголемува неизвесноста во регионот.
Ситуацијата е особено чувствителна поради стратешкото значење на Ормуска Теснина, низ која поминува значителен дел од светскиот извоз на нафта. Секое ново влошување на односите може да има сериозни последици врз глобалната безбедност и економија.
