Младата македонска фудбалска репрезентација до 21 година претрпе убедлив пораз од селекцијата на Италија до 21 година со 4:0, во натпревар одигран во Емполи, во рамки на квалификациите од групата Е.
Домашниот тим рано го отвори резултатот, откако Шер Ндур погоди уште во третата минута. Во второто полувреме Италија брзо ја зголеми предноста – најпрво Лука Липани во 49. минута, а веднаш потоа и Џеф Ехатур во 50. минута. Конечните 4:0 ги постави Сејду Фини од пенал во 86. минута.
По одиграни седум кола, македонската селекција има само една победа и се наоѓа на петтото место на табелата во групата.
Во следното коло, на 31 март, младата репрезентација ќе гостува кај Ерменија, која моментално е последнопласирана во групата.
Поврзани вести:
МОЖЕБИ ЌЕ ВЕ ИНТЕРЕСИРА: