На денешното судско рочиште за кастрофалниот пожар во Кочани говореа нови сведоци. Меѓу нив беше и Ставревски Живко – помошник на генерален инспектор во Дирекција за заштита и спасување кој изјави дека до 2020 година не биле предвидувани редовни инспекциски надзори во општини каде нема инспектори, а Кочани немало покриеност со инспектор за проверки и превенција.
Тој рече дека до 2020 година не се предвидувале редовни надзори во општини каде нема инспектори.
-Ни беше укажано секаде да планираме инспекциски надзор, што практично го испочитувавме, така што барем еден надзор внесуваме по општини како бројка, но исполнувањето на таа обврска реално не беше можна поради одлуките за распределба и немањето доволно инспектори, изјави сведокот.
Во пожарот во дискотеката „Пулс” во Кочани загинаа 63 лица, а над 200 беа повредени. Со денешното рочиште продолжува доказната постапка со изведување сведоци на предлог на Обвинителството, кое го застапува тим од 15 јавни обвинители.
