Според најновото истражување, титулата најзелен град во светот му припадна на Осло, главниот град на Норвешка. Со импресивни 77,3 поени од можни 100, Осло се издвојува како град со најмногу зелени површини и висок квалитет на живот.
Истражувањето на компанијата Иглу покажува дека дури 95% од над 724.000 жители на Осло живеат во радиус од 300 метри од парк или друга зелена површина. Градот се издвојува и по чистиот воздух и уникатниот проект „автопат за пчели“, започнат во 2015 година за заштита на загрозените популации на пчели, кој вклучува создавање рути со цвеќиња и градини на зелени покриви. Дополнително, во градот се создаваат и „џебни паркови“ – мали зелени оази на местата на поранешни паркинзи.
На листата на најзелени градови следуваат:
Осло
Вилнус, Литванија – второто место со 72,3 поени, поради проширување на еколошкиот јавен превоз и отворените простори
Хелсинки, Финска
Виена, Австрија
Канбера, Австралија
Сиднеј, Австралија
Стокхолм, Шведска
Сингапур
Рединг, Велика Британија
Минхен, Германија
Во меѓувреме, градот Хајлброн во југозападна Германија беше прогласен за европска зелена престолнина за 2027 година, поради високи оценки за квалитет на воздухот и водата, адаптација кон климатските промени и развој на циркуларна економија преку „План за пејзаж 2030“ и „Концепт за мобилност“.
Наградите „Европски зелен лист“, наменети за помали градови, им беа доделени на Асен во Холандија и Сиена во Италија, со што се истакнаат најуспешните примери за одржливост и зелена инфраструктура во Европа.
