Амбасада на САД во Багдад издаде предупредување до американските државјани кои престојуваат во Ирак, посочувајќи дека постои зголемен ризик од киднапирања поради активности на вооружени групи поддржани од Иран. Според информациите, овие групи напаѓале хотели во кои престојуваат американски државјани.
Од амбасадата им препорачаа на Американците во Ирак да бидат особено внимателни и да ги следат безбедносните препораки.
Во предупредувањето се наведува и дека Иран и групите кои имаат негова поддршка би можеле да планираат напади врз нафтената и енергетската инфраструктура што е во сопственост на САД.
Во изминатиот период биле регистрирани напади и во близина на американската амбасада во Багдад, како и кај американскиот конзулат во Ербил.
По американско-израелските напади врз Иран, Техеран возврати со напади врз американски воени бази во земјите од Персиски Залив, како и во Ирак, Јордан, Либан, Сирија и Кипар.
