Општина Aеродром ја проширува улицата за влезот во комплексот згради Џевахир

Општина Аеродром започна со уривање на бараката позната како „теснец” во близина на комплексот Џевахир.
Станува збор за објект кој со години го стеснувал просторот на оваа делница и создавал проблеми во сообраќајот, особено во делот кај кулите, каде секојдневно се движи голем број возила и пешаци.
Со отстранувањето на бараката се очекува улицата да биде проширена, при што коловозот на овој дел ќе се уреди со три сообраќајни ленти, исто како што е постојниот дел од улицата пред бараките.