Ќе се доградува булеварот „Борис Трајковски” кон Драчево, Ѓорѓиевски информира дека рокот е до крајот на годинава

Објавен е тендерот за изградба на булеварот „Борис Трајковски”, а градоначалникот на Скопје, Орце Ѓорѓиевски вели дека е рокот за изведба е до крајот на оваа календарска година.

„Предолго, овој булевар беше симбол на застојот. 850 метри, од трафостаницата во Пинтија до кружниот тек во Драчево, беа 850 метри нервоза, прашина, оштетени возила, изгубени часови и скршени надежи.

Повеќе од 100.000 граѓани секојдневно поминуваа низ таа голгота”, порача градоначалникот.

Предвидено е да се изгради современ булевар со четири коловозни ленти и безбедна пешачко-велосипедска патека.