Генералниот секретар на НАТО, Марк Руте денеска го посети Скопје. За време на неговата средба со претседателката Гордана Сиљановска-Давкова беше нагласено дека Македонија е верен сојузник на НАТО и придонесува за безбедноста на регионот.
Сиљановска-Давкова истакна дека најголема гаранција за мирот и безбедноста на Западен Балкан е неговата итна и целосна интеграција во ЕУ.
– Мора да ставиме крај на вештачките причини и причините од идентитетски карактер за членство во ЕУ и да се фокусираме на Копенхашките критериуми, нагласи претседателката.
Марк Руте не пофали дека даваме повеќе од 2 процента за одбраната од својот БДП што според него е огромен напредок.
Високиот гостин од НАТО оствари и други средби и обраќања во македонските институции. При неговото обраќање во парламентот имаше и случка каде пратениците на „Левица” стоеја пред него со транспарент НАТО “убива за профит”.
Инаку, ова е прва посета на Руте како генерален секретар на НАТО на Скопје.
