Европскиот настап на Шкендија заврши во Турција, откако тетовскиот тим претрпе убедлив пораз од 4-0 на гостувањето кај Самсунспор. По минималниот пораз од 1-0 на првиот натпревар во Скопје, задачата за пласман понатаму беше значително отежната, а турскиот претставник и во реваншот ја оправда фаворитската улога.
Шкендија во првото полувреме успеа да ја задржи резултатската неизвесност и солидно да се спротивстави, но пресвртот на натпреварот се случи веднаш по паузата. Нтчам реализираше пенал и го отвори резултатот, носејќи водство за домаќините.
Со текот на натпреварот Самсунспор ја зголемуваше доминацијата, а дваесетина минути пред крајот Ндиаје го удвои водството. Во финишот Мариус постигна уште два погодоци и ги постави конечните 4-0, со што турскиот тим сигурно го завери пласманот во следната фаза.
