Менаџерот на Арсенал, Микел Артета, изјави дека е разочаран од ремито против Вулверхемптон и призна дека неговиот тим не одиграл на потребното ниво.
Арсенал синоќа одигра 2:2 во натпреварот од 31. коло во Премиер лига, пропуштајќи можност да освои нови три бода во трката за титулата.
„Навивачите можат слободно да нè критикуваат колку сакаат затоа што не игравме на потребното ниво. Што и да кажат, можеби е вистина затоа што не го направивме она што мораше. Денес мора да прифатите секое прашање, критика и мислење. Тоа е исто така комплимент за Вулверхемптон, кој не смее да се потцени“, изјави Артета по натпреварот.
Тој додаде дека одговорноста е целосно на тимот.
„Секако, многу сме разочарани од резултатот и од начинот на кој заврши натпреварот, но сè е наша вина. Во второто полувреме не го покажавме стандардот што ни е потребен за да победиме во оваа лига“, порача стратегот на „топчиите“.
И покрај киксот, Арсенал останува на врвот на табелата со 58 бода, додека Вулверхемптон е на дното со 10 освоени бодови.
Во следното коло, Арсенал на домашен терен ќе го пречека лутиот ривал Тотенхем во уште едно важно дерби во борбата за шампионската титула.
