На барање на жителите, општина Центар спроведе акција за расчистување на два напуштени објекти

Инспекциските служби на Општина Центар започнаа со интензивна акција за расчистување на два напуштени објекти во Ново Маало и кај ТЦ Буњаковец, информираше денеска градоначалникот Горан Герасимовски. Интервенцијата е извршена по барање на жителите од околните згради

поради страв од пожари, кражби и загрозување на јавното здравје. На првата локација, со асистенција полицијана МВР, се иселени затекнатите лица и започнало расчистување на сметот, а на втората локација кај Буњаковец, поради присуство на малолетни лица, во акцијата била вклучена и социјалната служба.