Повеќе жртви, меѓу кои и деца во синоќешните руски напади на Украина

Во најновите руски напади врз Украина загинале најмалку седум лица, вклучувајќи и деца, соопштија денеска официјални украински претставници.
Во источниот регион Доњецк тројца браќа на возраст меѓу 8 и 19 години биле убиени синоќа во гранатирање во градот Краматорск, а нивната мајка и баба биле повредени кога граната погодила станбена зграда. Во нападот загинал уште еден маж.
Гувернерот на Одеса, изјави дека едно лице загинало, а шест други се повредени за време на напади врз регионот на Црното Море, за кои рече дека биле насочени кон пристанишни, индустриски и енергетски објекти, како и кон цивилна инфраструктура.
Украинските воздухопловни сили соопштија дека синоќа Русија ја нападнала Украина со една балистичка ракета и 154 борбени дронови, од кои 111 биле пресретнати.