Се уште трае големата полициска акција околу нелегалната марихуана во Македонија. Останува да се види дали новите истраги ќе го оправдаат најавувањето на премиерот Христијан Мицкоски од пред некој ден дека нема да биде изненаден ако количината на запленатата марихуана од 40 дури се зголеми на 100 тони.
Акцијата според најавите продолжува и во наредниот период и инспекторите ќе ги контролираат сите компании што во Македонија имаатn лиценца за производство на медицински канабис. А такви во моментов се 43.
Многу се прашањата што произлегоа од оваа акција, но меѓу најчестите се: Кој е министерот за здравство кој во периодот од 2017 до 2024 година потпишал Правилник кој е во судир со основниот Закон за регулирање на производството на медициски канабис, со што овозможил „марихуанските” компании да користат законска дупка и да си го толкувааат законските одредби како што ним им одговараат? Исто така, треба да се одговори и колку пати во овие компании во изминативе 6-7 години се правеле контроли? Секако, одговор бара и главната дилема колку од марихуана произведена за медицински цели во минатите години завршувала на црниот пазар и кој за тоа ќе одговара?
