Психологијата често ни открива колку нашите мисли, емоции и однесувања се сложени и понекогаш неочекувани. Од начинот на кој реагираме кога сме опкружени со луѓе до тоа како ја интерпретираме правдата, човечкиот ум крие многу изненадувања. Во продолжение, ви претставуваме осум фасцинантни психолошки појави кои ќе ве натераат да размислите за сопственото однесување и реакциите на околината.
- Помала е веројатноста да добиете помош кога сте опкружени со многу луѓе
Социјалните психолози Латане и Дарли го популаризираа концептот „ефект на набљудувач“ по озлогласеното убиство на Кити Џеновезе во Њујорк во 1964 година. Џеновезе била убиена пред својот стан, додека сведоците на настанот не ѝ помогнале ниту повикале полиција. Во нејзиниот случај, секој набљудувач, гледајќи ја неактивноста на другите, заклучил дека неговата лична помош не е потребна.
- Опасни испрашувања можат да доведат невин осомничен лажно да се изјасни како виновен
Истражувањата покажале дека една од причините може да биде должината на испрашувањето. Типичните полициски испрашувања траат околу два часа, но оние што резултирале со лажни признанија траеле во просек 16,3 часа. Навистина шокантно.
- Луѓето се поискрени кога мислат дека се поврзани со детектор за лаги
Т.н. „лажна цевка“ (bogus pipeline) е лажен полиграф кој се користи за да се поттикнат испитаниците искрено да одговараат на емоционални прашања. Оваа техника ја користат социјалните психолози за да ги намалат неточните одговори при собирање податоци засновани на самоизвештаи.
- Луѓето сметаат дека несреќа што му се случува на привлечен човек е понеправедна отколку на помалку привлечен
Заблудата за праведен свет се заснова на верувањето дека „секој го добива она што го заслужува“. Ова уверување е толку силно што луѓето често рационализираат необјаснива неправда, измислувајќи причини зошто жртвата можеби ја заслужила. Навистина необично.
- Луѓето на долг рок повеќе жалат за пропуштените можности отколку за направените постапки
Студија од 1994 година покажала дека најголемите животни жалења најчесто се поврзани со работи што луѓето не ги направиле. Дејствијата предизвикуваат повеќе болка на краток рок, но недејствувањето се жали повеќе на долг рок.
- Освојувачите на бронзен медал се посреќни од оние со сребрен медал
Контрафактичкото размислување се однесува на човечката тенденција да замислува алтернативи на настани што веќе се случиле. Освојувачот на бронза најчесто чувствува благодарност што воопшто освоил медал, додека освојувачот на сребро почесто жали што не го освоил златото.
- По погрешна прогноза, луѓето можат да се убедат дека всушност го предвиделе спротивното
Пристрасноста на ретроспекција, позната и како „прикриен детерминизам“, е склоноста по некој настан да се верува дека исходот можел да се предвиди. Сите сме биле виновни за ова, нели?
- Психотерапијата може ефикасно да лекува широк спектар психолошки проблеми
Во моментов постојат цврсти докази дека одредени видови психотерапија (разговорна терапија) се ефикасни во третманот на широк опсег психолошки проблеми, вклучувајќи и превенција од самоубиство, со што се спасуваат многу животи.
Поврзани вести:
МОЖЕБИ ЌЕ ВЕ ИНТЕРЕСИРА: