Кривична пријава ќе биде поднесена против 44-годишен жител на Охрид кој бил затекнат како управува моторно возило и покрај тоа што имал активна заштитна мерка „забрана за управување со моторно возило“.
Како што соопшти СВР Охрид, денеска околу 17 часот, на улицата „Железничка“ во Охрид, полициски службеници запреле патничко возило марка „БМВ“ со охридски регистарски ознаки, управувано од Ј.С. (44) од Охрид.
По извршените проверки било утврдено дека возачот управувал со возилото иако против него била изречена и впишана заштитна мерка „забрана за управување со моторно возило од Б категорија“. За настанот бил известен надлежен јавен обвинител, а возилото било привремено одземено.
По целосно документирање на случајот, против Ј.С. ќе биде поднесена кривична пријава по член 297-а од Кривичниот законик, за кривично дело „безобѕирно управување со моторно возило“.
