Португалскиот фудбалер Кристијано Роналдо изјави дека единствено повредите би можеле да го спречат да ја достигне бројката од 1.000 постигнати голови во кариерата. Напаѓачот на Ал-Наср моментално има 956 погодоци.
Четириесетгодишниот Роналдо истакна дека без разлика дали настапува на Блискиот Исток или во Европа, неговата цел секогаш е иста – освојување трофеи и достигнување на историската граница од 1.000 голови. Тој изрази уверување дека ќе ја оствари оваа цел доколку го одмине сериозни повреди.
Португалецот неодамна по третпат по ред беше прогласен за играч на годината на Блискиот Исток на манифестацијата „Globe Soccer Awards“. Во својата кариера има освоено пет „Златни топки“, пет титули во Лигата на шампионите и една европска титула со репрезентацијата на Португалија.
Роналдо е член на Ал-Наср од 2023 година, а претходно настапуваше за Спортинг, Манчестер Јунајтед, Реал Мадрид и Јувентус.
