Градежното чудо, автопатот Охрид – Кичево, уште долго ќе ја чуди македонската јавност. Зошто 57 километри се градат повеќе од 11 години? Дилема што ќе си остане да се прераскажуваат во легендата за овој зафат.
Сепак добро е дека сега навистина се гледа крајот на градежната приказна. Конечно, навистина се работи и со примена на сложени инженерски решенија што за првпат се користат во регионот, ќе се доизгради автопатот. А охрабрувањето дека легендата за градење нема да трае уште 11 години беше и тоа дека во јули годинава беа пуштени во употреба првите 20 километри од автопатот Кичево – Охрид, на потегот од Врбјани до Ботун, а во септември и делницата Климештани-Охрид, како уште 17 километри од автопатот Кичево-Охрид.
Едноставно, засиленото работење во 2025 година најавува дека до крајот на следната година ќе се возиме по целиот пат.
А, во легендата, ќе остане цврстото ветување на минатата власт дека 31.12.2023 е крајниот рок кога сите ќе се возиме по автопатот. Таквото возење и ги однесе во опозиција.