„Поскапувањето на струјата е нов удар врз нискиот стандард на граѓаните”, се вели во денешното соопштение на СДСМ.
Според партијата причина за покачувањето на цената се криминалните тендери и неспособноста на министерката во секторот енергетиката.
„За само година и половина, владата ја доведе државната ЕСМ до колапс. Производството е на историски најниско ниво, потенцираат од опозициската партија.
И од Левица реагираа на покачувањето на струјата.
„Граѓаните ќе плаќаат повисоки сметки за струја, благодарение на немањето визија од владата предводена од премиер „енергетичар”.
Македонија е држава каде енергетскиот сектор е во колапс, откако вчера владата прогласи кризна состојба, а РКЕ донесе одлука за покачување на цената на
струјата под диктат на приватниот монопол ЕВН ХОУМ”, велат од Левица.
