Затворен граничниот премин Евзони – сообраќајот во прекин

Од 17:30 часот сообраќајот на граничниот премин Евзони (Богородица) е во целосен прекин.

На останатите државни патишта сообраќајот се одвива непречено, по претежно суви коловози. Интензитетот на сообраќај надвор од градските средини е умерен, а на граничните премини од македонска страна нема подолги задржувања за влез и излез од државата.

Од Авто-мото сојуз на Македонија апелираат возачите да ја приспособат брзината на движење, да ја почитуваат сообраќајната сигнализација и да управуваат внимателно, особено на патиштата што минуваат низ котлини, речни долини и клисури, каде постои можност од појава на одрони. Посебна претпазливост се препорачува на делниците Катланово – Велес, Маврово – Дебар – Струга, Виница – Берово и Кочани – Делчево.