Системот на полицијата „Сејф Сити” официјално ќе почне со работа на 1 февруари 2026 година. Одложувањето од еден месец од МВР го објаснуваат со потребата од дополнителна техничка проверка и усогласување со правните процедури за електронско казнување на сообраќајните прекршоци.
Добро. Но не треба да се одложува една друга полициска работа – сузбивање на честите разбојништва по улиците на Скопје. Разбојниците низ главниот град стануваат се подрски, а при тоа неретко користат и сила, па и оружје.
Неодамна петмина насилници нападнаа и ограбија 15-годишно момче во Центар. Разбојниците го пресретнале малолетникот, едниот му се заканил со остар предмет и му одзел пари и мобилен телефон, а друг од нив физички го нападнал.
Свеж е и слушајот кога двајца насилници нападнале спроти трговски центар едно лице и откако го натепале го ограбиле одземајки му 8.800 денари.
Има многу вакви примери. Кога ова ќе го снема од улиците, тогаш може да се каже дека функционира „Сејф сити”, оти нели тоа е „Безбеден Град”. А за тоа освен камери по улиците треба да има и повеќе полиција која ќе делува превентивно кон насилните разбојници.
