Водечките тимови во Првата македонска фудбалска лига, Вардар и Струга ТЛ, забележаа сигурни победи во дуелите од 15. коло. Вардар славеше со убедливи 6:1 против Шкупи, додека Струга ТЛ беше уште поубедлива и го совлада Башкими со 6:0. На табелата, Вардар останува лидер со 39 бодови, само еден повеќе од Струга која има 38.
Доминија на Вардар против Шкупи
Вардар стигна до предност со два брзи гола на Горан Закариќ во 36. и 37. минута. На стартот од второто полувреме Михаил Талевски го зголеми водството на 3:0 (47’), а капитенот Азер Омерагиќ во 57. минута погоди за 4:0. Шкупи намали преку Марио Станковски во 71. минута, но Омерагиќ со уште два гола (79’ и 84’) запиша хет-трик и ја потврди високата победа на Вардар од 6:1.
Струга немилосрдна против Башкими
Во Струга, серијата голови ја отвори Бунјамин Шабани во 24. минута. Христијан Малески зголеми на 2:0 (37’), а Стефан Јевтовски само три минути подоцна го постигна третиот погодок (40’). Во вториот дел Струга продолжи во исто темпо: погодија Меметриза Хамза (53’), повторно Малески (61’) и Арби Воша (89’) за конечни 6:0.
Резултати од другите натпревари
Силекс – Арсими 1:3
Пелистер – Македонија ЃП 1:1
Брера – Тиквеш 0:4
Последниот меч од ова коло, помеѓу Шкендија и Работнички, се игра утре од 13 часот во Тетово.
Фото: ФФМ
