Челзи вечерва одигра моќен натпревар и со убедливи 3:0 ја совлада Барселона во дербито од Лигата на шампионите, носејќи си огромни три бода и сериозна предност во борбата за нокаут фазата.
Домашниот тим поведе уште во првиот дел, кога Жил Кунде по една несмасна интервенција ја затресе сопствената мрежа и му донесе водство на Челзи. Каталонците потоа паднаа во уште поголем проблем – капитенот Роналд Араухо заработи втор жолт картон и беше исклучен, оставајќи го својот тим да игра со играч помалку уште пред паузата.
Во второто полувреме Челзи целосно ја презеде контролата. Младиот Естеван со прекрасен удар го зголеми водството на 2:0, а Лиам Делап со прецизен завршен удар го постави конечниот резултат 3:0. „Сините“ имаа уште неколку опасни ситуации и поништувани голови, но и без нив победата беше целосно заслужена.
Барселона речиси и да немаше одговор на темпото и притисокот на Челзи, а ова поразително гостување дополнително им ги комплицира шансите за продолжување во нокаут фазата.
