За злоупотреба на пари од ЕУ, поранешна хрватска министерка почна со отслужување на затворска казна

Поранешната хрватска министерка за регионален развој и европски фондови,
Габриела Жалак синоќа се пријави во загрепскиот затвор „Реметинац” за да
ја отслужи казната од две години и седум месеци. Таа е осудена за два
случаи на злоупотреба на службената положба, за јавна набавка на
софтвер, како и за приватно трошење пари од ЕУ. И во двата случаи таа ја
призна вината.
По првичниот престој во „Реметинац„, таа ќе биде префрлена во женскиот
затвор во Пожега, реновиран со средства од ЕУ.