Новиот скопски градоначалник синоќа со масовна акција го почна чистењето на Скопје. А почна да ги чисти и градските јавни претпријатија од неработници.
Додека Скопје се гушeше во ѓубре, немаше пари за нафта и за поправка на автобуси, нема плата за „Паркови и зеленило”… дури 371 лице, вработени во градските јавни претпријатија уживале во блискоста со досегашната градска власт и не оделе на работа, или кога оделе само „клателе врата” и земале плата.
На сите тие лица вчера новиот градоначалник им ја покажа излезната врата. Тој најави дека во следните денови ќе се откријат и нови вакви случаи и веднаш ќе бидат отпуштени од работа.
Ова е долгогодишен проблем кога народни пари се трошат расипнички за измислени и фиктивни работни места за задоволување на партиски, семејни и пријателски потреби.
И ако направиме најгруба пресметка на секој од овие 371 лице бруто платата да им била околу 40.000 денари, Градот за еден од нив годишно исплаќал по околу 8.000 евра или над 2,7 милиона евра за сите. Огромни пари, а за никаква корист за Скопје.
Ќе има ли одговорност кај раководствата на јавните Претпријатија, но и кај поранешното градско раководство, кои дозволиле ваквите состојби да траат со години?
Скопјани oчекуваат и да се поведе постапка сите работници – неработници , да ги вратат платите назад.
МОЖЕБИ ЌЕ ВЕ ИНТЕРЕСИРА: