Македонија – Белгија 1:1. Штета, нашите фудбалери можат да жали што не ги освоија трите бода против големиот фаворит во натпреварот од квалификациите за Светското првенство 2026.
Македонија одлично го почна мечот, два пати ја погоди стативата, а потоа стигна и бруталната казна. Де Кујпер среќно успева да ја смести топката во мрежата и да ги донесе Белгијците во водство.
На стартот од вториот дел, Македонија успеа да израмни. Елмас погоди за 1-1, но радоста се претвори во тага, откако ВАР го поништи голот. Илиевски бил во офсајд.
ВАР и вторпат одигра против нас, кога не „досуди“ пенал, по прекршокот во шеснаесетникот врз Барди. Следуваше нова иницијатива на Белгија, а потоа Алиоски на спектакуларен начин успеа да погоди, и да израмни на 1-1, и така да донесе еден бод за Македонија, петти во овој квалификациски циклус.
Македонија не е поразена во низа на десет натпревари.
Следниот натпревар е во понеделник против Казакстан на гостински терен.
