Започна целосна реконструкција на мултифункционалното спортско игралиште и детското катче лоцирани покрај трим патеката во населбата 11 Октомври.
Како што истакнаа од општина Кисела Вода во чија организација е овој проект, игралиштето ќе биде модернизирано со полипропиленски под, ќе добие нови кошеви, голови, трибини и целосно уреден простор за рекреација. А ќе се реконструира и постојното детско катче.
„Создаваме спортско-рекреативен простор каде што младите ќе можат да спортуваат, да се дружат и да стекнуваат важни животни вештини. Ова е инвестиција во здрави генерации“, истакна градоначалникот Орце Ѓорѓиевски.
Проектот, како што објасни градоначалникот, е дел од пошироката стратегија за подобрување на животниот стандард на жителите и создавање општина каква што граѓаните заслужуваат.
