Вечерва на полноќ завршува изборната кампања за вториот круг од локалните избори. В недела за градоначалници ќе се гласа во 32 општини и во Градот Скопје.
Од поголемите места во Македонија, најинтересна изборна борба ќе биде во Кичево, каде што во повеќе од 51.000 гласачи ќе одлучуваат помеѓу Александар Јовановски од ВМРО-ДПМНЕ и Фатмир Дехари од НАИ. Зголемен интерес побудува и гласањето во Струга каде што ќе се соочат Арсим Даљипи од НАИ и независниот Менди Ќура, за кого ВРЕДИ даде поддршка за вториот круг. Во Тетово пак, ќе се гласа помеѓу Бајрам Реџепи од НАИ и Биљал Касами од ВРЕДИ.
Инаку, од позначајните македонски центри ќе се гласа и во Куманово, Кочани, Македонска Каменица, Валандово, Виница, Дебар и Неготино.
Гостивар како голем центар, пак. допрва ќе чека да има прв изборен круг оти на претходниот гостиварци не излегоа во законски минималниот број.
Од друга страна во првиот круг од локалните избори беа избрани градоначалници во 44 општини.
