Прегазено 11-годишно девојче во Скопје, возачот побегнал

Девојче на 11-годишна возраст е прегазено и тешко повредено синоќа на улицата „Перо Наков” во Скопје, по што возачот избегал од местото.

-На 28.10.2025 во 20:30 часот во СВР Скопје е пријавено дека на ул.„Перо Наков” во Скопје, патничко возило удрило во малолетничка од Скопје, по што возачот со возилото го напуштил местото на настанот. Во несреќата со тешки телесни повреди, кои ги здобила по прегазувањето, повредената била пренесена во Клиничкиот центар „Мајка Тереза”. Полицијата соопшти дека се преземаат мерки за пронаоѓање на возачот.