Вечерва граѓани и припадници на полицијата се собраа во населбата West65 за да им оддадат почит на трагично загинатите – полицискиот службеник, неговата сопруга и нивното дете.
Крстосницата меѓу улиците Омладински бригади и Хероите од Кошара вечерва беше накратко блокирана од полицијата.
Да потсетиме, на тоа место, во ноќта меѓу сабота и недела, загина припадникот на сообраќајната полиција Бојан Ж., заедно со сопругата и деветгодишниот син, кога во нивниот автомобил удрил Никола Ѓ., кој под дејство на алкохол и дрога поминал на црвено светло. Тричленото семејство починало на самото место.
Министерот за внатрешни работи Ивица Дачиќ на своите профили објави фотографија од загинатото семејство – таткото, мајката и детето, со порака дека за време на неговиот претходен мандат во Министерството имал чест лично да го запознае трагично загинатиот полициски службеник Бојан Живковиќ.
„Немам зборови да ја опишам тагата што ја чувствувам поради тоа што згаснаа три млади животи. Поради вакви злосторства, жал ми е што смртната казна е укината,“ изјави Дачиќ.
