Разводот е тема за која ретко се зборува без предрасуди – најчесто се доживува како неуспех, крај на љубовта и распад на семејството. Многумина веруваат дека разводот најмногу им штети на децата, создавајќи им несигурност, страв од блискост и негативна слика за бракот. Сепак, експертите за односи сè почесто истакнуваат дека тоа не мора да биде така. Кога двајца луѓе ќе се разделат со почит, разбирање и без желба да се повредат меѓусебно, разводот може да биде нов почеток – и за нив, и за нивните деца.
Зашто останувањето во токсична, студена или несреќна врска често остава подлабоки рани отколку искреното разделување. Сопружниците кои се разделуваат достоинствено, откако ќе ги исцрпат сите обиди да ја поправат врската.
Тие мора да сфатат дека останувањето во токсична врска ќе стане модел за љубовта кај нивните деца. Тие ќе се растат со убедување дека тоа е „нормален“ брак.
Ако родителите останат во врска без емоции, доверба и почит, тие несвесно ги учат децата дека таквата љубов е прифатлива.
МОЖЕБИ ЌЕ ВЕ ИНТЕРЕСИРА
Токсичната атмосфера, кавгите, студенилото и напнатоста создаваат дом без сигурност и топлина. Децата можеби нема да разберат што точно не е во ред, но ќе чувствуваат дека нешто не е како што треба. Ако родителите им зборуваат дека „сè е во ред“ додека тоа не е вистина, децата го губат чувството за доверба во сопствената интуиција.
Подоцна, како возрасни, можат да развијат страв од блискост, да ги повторуваат обрасците на несреќни врски или да ги саботираат односите штом станат посериозни.
Сепак, истражувањата покажуваат дека разведени родители можат да ја задржат вербата на детето во љубовта ако меѓусебно задржат почит, отворена комуникација и не му наметнат чувство на вина за разводот.
МОЖЕБИ ЌЕ ВЕ ИНТЕРЕСИРА
