Се навршуваат 25 години од Петтооктомвриските промени во Србија, кога во 2000 година, илјадници граѓани излегоа на улиците на Белград во знак на протест против владеењето на тогашниот претседател Слободан Милошевиќ. Протестите беа предизвикани од контроверзните претседателски избори, кога Изборната комисија ја оспори победата на Војислав Коштуница, тогашен кандидат на опозицијата.
Граѓаните на Србија беа незадоволни и од политичките и економските услови. Тие побараа почитување на изборната волја и спроведување на демократски промени.
Активна улога во оргазнизирање на промените имаа студентските организации и граѓанските движења кои го мобилизираа населението. Протестите кулминираа со повлекување на Милошевиќ и признавање на изборниот пораз, по што се отвори патот кон демократизација на земјата и приближување кон евроинтеграциите. Милошевиќ покасно заврши во Хаг, како обвинет од Трибубалот за воени злосторства, каде што и почина.
Во Србија во последните неколку месеци студентите повторно се на улица. Овојпат протестираат против актуелниот претседател Александар Вучиќ.
